Новости KZ

Қазақстандық су қауымдастығы мен Astana Expo көрме компаниясы арасында ынтымақтастық туралы Меморандумға қол қойылды

2024 жылғы 28 тамызда "Қазақстан су Қауымдастығы" ЗТБ мен Astana Expo көрме компаниясы өзара ынтымақтастық туралы Меморандумға қол қойды. Бұл құжат "SU ARNASY - Water Expo" Халықаралық су индустриясы көрмесі мен конференциясы шеңберінде ұзақ мерзімді және өзара тиімді қарым-қатынастарды дамытуға бағытталған.

Көрмені одан әрі дамыту үшін халықаралық іс-шараларды өткізудегі табысты тәжірибені біріктіру жоспарлануда.

Кездесу барысында қазақстандық Су Қауымдастығының атқарушы директоры Орынбасар А. және Astana EXPO атқарушы директоры Канапьянов К.С. 2024 жылғы 16-18 қазан аралығында өтетін "InfraTech Kazakhstan" Қазақстандық халықаралық көрме-форумына дайындықты талқылады.

Бұл іс-шара су өнеркәсібі мен инженерлік инфрақұрылымдағы өзекті мәселелерді талқылауға және тәжірибе алмасуға мүмкіндік беретін сала мамандары үшін маңызды алаң болады деп күтілуде.